काठमाडौं । राष्ट्रिय स्वतन्त्र पार्टी (रास्वपा) ले आफ्ना नवनिर्वाचित सांसदहरूका लागि आयोजना गरेको दुईदिने विशेष प्रशिक्षण कार्यक्रमको दोस्रो दिन आज योग अभ्यासबाट सुरु भएको छ ।
मंगलबार करिब १२ घण्टा चलेको पहिलो दिनको प्रशिक्षणपछि बुधबार बिहान योग साधक एनपी भानु शर्माले सांसदहरूलाई योग अभ्यास गराएका हुन् ।
दिउँसो १ बजेसम्म सञ्चालन हुने प्रशिक्षण कार्यक्रमको समापनमा पार्टी सभापति रवि लामिछानेले सम्बोधन गर्ने कार्यक्रम रहेको छ ।
ललितपुरको ग्वार्कोस्थित होटेल रोयल टुलिप मा मंगलबार सुरु भएको उक्त कार्यक्रमको उद्घाटन उपसभापतिद्वय स्वर्णिम वाग्ले र डीपी अर्यालले गरेका थिए ।
प्रतिक्रिया