संघीय संसदको अधिवेशन चैत्र १६ गतेदेखि आह्वान गर्ने तयारी

काठमाडौँ । सुशीला कार्की नेतृत्वको अन्तरिम सरकारले नै फागुन २१ गते सम्पन्न निर्वाचनबाट बनेको प्रतिनिधिसभासहितको संघीय संसद्को पहिलो अधिवेशन आह्वान गर्ने भएको छ । संघीय संसद्को पहिलो अधिवेशन आह्वानका लागि भन्दै अन्तरिम सरकारकी प्रधानमन्त्री कार्कीले शुक्रबारका लागि मन्त्रिपरिषद् बैठक बोलाएकी छन् ।

यसअघि नै नवनिर्वाचित सांसदहरूको शपथ चैत १२ गतेका लागि निश्चित भइसकेको छ । अधिवेशन आह्वान गर्दा ७ दिनको समय राखेर गर्नुपर्ने व्यवस्था बमोजिम अन्तरिम सरकारले नै अधिवेशन आह्वान गर्ने तयारी गरिएको बताइएको छ ।

अनौपचारिक रूपमा चैत १६ गतेका लागि अधिवेशन आह्वान हुने भएकाले तयारी गर्न भन्दै सङ्घीय संसद् सचिवालयलाई सरकारका तर्फबाट अनौपचारिक जानकारी गराइएको संसद सचिवालय स्रोतले जनाएका छन् ।