पाल्पा । सिद्धार्थ राजमार्ग अन्तर्गत पाल्पाको सिद्धबाबा क्षेत्रमा लेदोसहित ढुङ्गा खस्दा सडक पूर्ण रूपमा अवरुद्ध भएको छ । पहिरोका कारण सडक दुवैतर्फबाट बन्द भएपछि आवागमन प्रभावित भएको जिल्ला प्रहरी कार्यालय पाल्पाले जनाएको छ ।
प्रहरीका अनुसार वर्षा रोकिएपछि सडकमा खसेका ढुङ्गा तथा लेदो हटाउने काम सुरु गरिनेछ । हालको अवस्थालाई ध्यानमा राख्दै यात्रु तथा सवारी चालकलाई वर्षा पूर्ण रूपमा रोकिएपछि मात्र यात्रा गर्न अनुरोध गरिएको छ ।
सडक अवरुद्ध भएपछि बुटवल-पाल्पा आवतजावत गर्ने सवारीसाधन रोकिएका छन् । प्रहरीले यात्रु र चालकलाई वैकल्पिक मार्ग प्रयोग गर्न वा सुरक्षित समय कुर्न आग्रह गरेको छ ।
प्रतिक्रिया