ओली-लेखक पक्राउप्रति कमल थापाको आपत्ति : ‘सरकार निषेध, प्रतिशोध र पूर्वाग्रहको बाटोमा लाग्यो’

काठमाडौं । राष्ट्रिय प्रजातान्त्र पार्टीका नेता कमल थापाले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पक्राउ गरिएको घटनाप्रति आपत्ति जनाएका छन् ।

सामाजिक सञ्जालमार्फत प्रतिक्रिया दिँदै थापाले सुशासन र आर्थिक समृद्धिको लक्ष्यसहित गठन भएको बालेन शाह नेतृत्वको सरकार निषेध, प्रतिशोध र पूर्वाग्रहको बाटोमा लागेको देखिएको टिप्पणी गरेका छन् ।

उनले वर्तमान अवस्थामा द्वन्द्व र मुठभेड कसैको प्राथमिकता हुन नहुने उल्लेख गर्दै सुशासन र समृद्धिका लागि कानुनी राज्यको पालना, आपसी मेलमिलाप र राष्ट्रिय एकता अपरिहार्य रहेको बताएका छन् ।

ओली र लेखक पक्राउ प्रकरणपछि विभिन्न राजनीतिक दलका नेताहरूबाट प्रतिक्रिया आउने क्रम जारी रहेको छ, जसले देशको राजनीतिक वातावरण थप तातेको संकेत गरेको छ ।