मंहगी विरुद्ध काठमाडौंमा एमालेको प्रदर्शन

खबर कुरा
१६ श्रावण २०७९, सोमबार
                 

काठमाडौं । प्रमुख प्रतिपक्षी नेकपा (एमाले) ले मुल्यवृद्धिलगायत जनसरोकारका विषयलाई लिएर काठमाडौंमा वृहत् जनप्रदर्शन कार्यक्रम गरेको छ ।

मुलुकमा महंगी, भ्रष्टाचारलगायतका गतिविधि बढेको भन्दै सोको विरोधमा राजधानीका विभिन्न स्थानबाट एमालेका नेता कार्यकर्ताहरु सम्मिलित र्‍याली सुरु भएको थियो ।

महंगी, भ्रष्टाचार तथा अनियमितताको विरोध गर्दै एमालेका विभिन्न भ्रातृ संगठनहरूले प्रदर्शन गरेका हुन् ।

आयोजक कमिटीका कृष्णगोपाल श्रेष्ठका अनुसार जनप्रदर्शन वसन्तपुरमा मिसिएर भित्री सहर प्याफल, नरदेवी, बाङ्गेमुढा, असन, भोटाहिटीहुँदै शान्तिबाटिकामा पुगेर बसन्तपुरमा सभामा परिणत भएको थियो ।

जनप्रदर्शनमा पार्टीका काठमाडौं उपत्यकाका भूगोलका तीन जिल्ला, उपत्यका विशेष प्रदेश र जनवर्गीय संगठनहरुको उपस्थिति रहेको छ ।

यसमा तपाइको मत

Your email address will not be published.


*