काठमाडौं । नेकपा एमालेका अध्यक्ष एवम् पूर्वप्रधानमन्त्री केपी शर्मा ओली र कांग्रेस नेता तथा पूर्वगृहमन्त्री रमेश लेखकलाई थुनामा राखेर अनुसन्धान अघि बढाउन अदालतले स्वीकृति दिएको छ ।
आज आइतबार जिल्ला अदालत काठमाडौंका न्यायाधीश आनन्दप्रसाद श्रेष्ठको इजलासले ५ दिन म्याद थपको अनुमति दिएको हो । उनीहरूलाई १० दिन थुनामा राखेर अनुसन्धान अघि बढाउन सरकारी वकिलले माग गरेको भएपनि अदालतले ५ दिन मात्र अनुमति दिएको छ ।
गत २३ र २४ भदौमा भएको जेनजी आन्दोलनका क्रममा दमन भएको र अत्याधिक दमनबाट ठुलो जनधनको क्षति भएको ठहर गर्दै सुशिला कार्की नेतृत्वको छानबिन आयोगले ओली र लेखकलाई फौजदारी अभियोगमा अनुसनधान गर्न सिफारिस गरेको थियो । ।
जेनजी आन्दोलनको बेला एमालेका अध्यक्ष ओली प्रधानमन्त्री थिए भने कांग्रेस नेता रमेश लेखक गृहमन्त्री थिए ।
उक्त सिफारिसका आधारमा जरुरी पक्राउ पुर्जी जारी गरेर शनिबार बिहान ओली–लेखकलाई पक्राउ गरिएको थियो ।
आज अदालतमा लेखक आफैँ उपस्थित भएका थिए भने ओलीलाई भने बिरामी भएका कारण त्रिवि शिक्षण अस्पतालमार्फत भर्चुअल उपस्थित गराइएको थियो ।
प्रतिक्रिया