व्यवसायी दीपक भट्ट पक्राउ

काठमाडौं । व्यवसायी दीपक भट्टलाई प्रहरीले पक्राउ गरेको छ । उनलाई पाटनबाट नियन्त्रणमा लिइएको एक प्रहरी अधिकारीले जानकारी दिएका छन् । यसअघि अध्यागमन विभागले भट्टको राहदानी कालोसूचीमा राखेको थियो । सम्पत्ति शुद्धीकरण अनुसन्धान विभागले उनीमाथि अनुसन्धान सुरु गरेपछि उक्त निर्णय गरिएको हो ।

सम्पत्ति शुद्धीकरण अनुसन्धान विभागले सोमबार अध्यागमनलाई पत्र पठाएर भट्टको राहदानी कालोसूचीमा राख्न अनुरोध गरेको थियो । सोही आधारमा उनको राहदानी कालोसूचीमा समावेश गरिएको हो ।

भट्टमाथि विभिन्न ठूला ठेक्का तथा खरिद प्रक्रियामा चलखेल गरेको आरोप लागेको छ । साथै राजनीतिक पहुँचको प्रयोग गर्दै राज्यका विभिन्न निकायमा नियुक्ति तथा ठेक्का प्रक्रियामा प्रभाव पार्ने र स्वार्थअनुसार निर्णय गराउने गरेको आरोपसमेत लाग्दै आएको छ ।