जनकपुरधाम । सशस्त्र प्रहरी बलका एक जना सशस्त्र प्रहरी निरीक्षक घुस रकम सहित पक्राउ परेका छन् । धनुषाको लालगढबाट सशस्त्र प्रहरी निरीक्षक ओकिल अधिकारी घुस रकम सहित पक्राउ परेका हुन् ।
अख्तियार दुरुपयोग अनुसन्धान आयोग क्षेत्रीय कार्यालय बर्दिबासको टोलीले उनलाई आज बिहान लालगढबाट घुससहित पक्राउ गरेको अख्तियारले जनाएको छ ।
अख्तियारका अनुसार कमला–ढल्केवर–बाग्मती सडक निर्माण खण्डअन्तर्गत माटो तथा ग्राभेल फिलिङ कार्यमा प्रयोग हुने सवारी साधनहरू रोक्ने, अनावश्यक अवरोध सिर्जना गर्ने र घुस माग्ने गरेको उजुरीको आधारमा अख्तियारको टोलीले निगरानी गर्दै आएको थियो । स्रोतका अनुसार अख्तियार टोलिले उनलाई ४० हजार रुपैयाँ घुससहित पक्राउ गरेको हो ।
उनीमाथि थप अनुसन्धान गरिरहेको अख्तियारले जनाएको छ ।
प्रतिक्रिया