काठमाडौं । श्रम संस्कृति पार्टीले संघीय संसदअन्तर्गत प्रतिनिधिसभाको उपसभामुख पदमा दाबी गरेको छ । पार्टीका अध्यक्ष हर्क साम्पाङ राईले सामाजिक सञ्जालमार्फत आफ्नो पार्टीले उपसभामुखमा महिला उम्मेदवार खडा गर्ने घोषणा गरेका हुन् ।
उनले राष्ट्रिय स्वतन्त्र पार्टीलाई संकेत गर्दै आफूहरूको उम्मेदवारलाई समर्थन गर्ने विश्वास व्यक्त गरेका छन् ।
सामाजिक सञ्जालमा उनले लेखेका छन्, “सभामुख निर्विरोध चयन हुनु भएकोमा बधाइ दिइसक्यौँ, अब उपसभामुख चयनको निर्वाचन हुँदैछ । हामी महिला उम्मेदवार खडा गर्दैछौँ । हेरौँ नयाँले नयाँलाई भोट हाल्छ कि उही पुरानालाई ? ७ भोट आउँछ कि १८९ ?”
यसअघि प्रतिनिधिसभाको सभामुख पदमा डीपी अर्याल निर्विरोध चयन भइसकेका छन् । उपसभामुख चयनको तयारी भइरहेका बेला श्रम संस्कृति पार्टीको यो घोषणाले संसदीय समीकरणमा नयाँ चर्चा सुरु भएको छ ।
प्रतिक्रिया