काठमाडौं । काठमाडौंको पिंगलास्थान क्षेत्रमा प्रहरीले गोली चलाएर दुई जना लागूऔषध कारोबारीलाई पक्राउ गरेको छ । उनीहरूको साथबाट एक किलोभन्दा बढी खैरो हेरोइन बरामद भएको प्रहरीले जनाएको छ ।
लागुऔषध नियन्त्रण ब्युरो र जिल्ला प्रहरी परिसरको संयुक्त टोलीले विशेष सूचनाका आधारमा गएराति कारबाही सञ्चालन गरेको थियो । सोही क्रममा उनीहरूलाई नियन्त्रणमा लिन खोज्दा गोली चलाउनुपर्ने अवस्था आएको प्रहरीले जनाएको छ ।
प्रहरीका अनुसार पक्राउ परेका दुवै भारतीय नागरिक हुन् । उनीहरूले प्रयोग गरेको सवारी साधनसमेत प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया