बुटवल । बुटवल उपमहानगरपालिकाको व्यवस्थित शहर बनाउने अभियानमा वर्ल्डलिंक कम्युनिकेशनले सहकार्य गर्ने भएको छ । उपमहानगरको व्यवस्थित शहर बनाउने अभियानमा वर्ल्डलिंकले इन्टरनेटको तार व्यवस्थित गर्दै सहकार्य गर्ने भएको हो ।
उपमहानगरपालिकाको आह्वानमा वर्ल्डलिंकले आफ्नो इन्टरनेटको तार व्यवस्थित गर्ने र अतिरिक्त तार हटाउने कार्य सुरु गरिसकेको वर्ल्डलिंक बुटवल शाखाका प्रमुख गणेशसिंह खत्रीले बताए । इन्टरनेटको अव्यवस्थित तारका कारण शहरको सौन्दर्यतामा असर परेको भन्दै उपमहानगरले हटाउन आग्रह गरे अनुसार वर्ल्डलिंकले बुटवल उपमहानगरका बिभिन्न स्थानहरुबाट तार व्यवस्थापन र अतिरिक्त तारहरु हटाउने कार्य अगाडी बढाएको उनले बताए । खत्रीले उपमहानगरले बोलाएको बैठकमा प्रतिबद्धता व्यक्त गरे अनुसार आफुहरुले तार व्यवस्थापनको काम सुरु गरिसकेको जानकारी दिए ।
शहरको सौन्दर्यकरणमा वर्ल्डलिंकको सधैं साथ रहने उल्लेख गर्दै खत्रीले सामाजिक उत्तरदायित्वबाट वर्ल्डलिंक कहिल्यै पछि नहट्ने स्पष्ट पारे । वर्ल्डलिंकले बिभिन्न समाजिक, धार्मिक र अत्यावश्यक महशुस भएको क्षेत्रमा निशुल्क वाईफाई सेवा दिँदै आएको पनि उनले बताए ।
प्रतिक्रिया