काठमाडौं । सर्वोच्च अदालतले थुनामा रहेका नेपाल उद्योग वाणिज्य महासंघका पूर्वअध्यक्ष शेखर गोल्छालाई २४ घण्टाभित्र इजलासमा उपस्थित गराउन नेपाल प्रहरीको केन्द्रीय अनुसन्धान ब्युरो (सीआईबी)लाई आदेश दिएको छ ।
गोल्छाका तर्फबाट उनकी पत्नी सीमा गोल्छाले सोमबार (वैशाख १४) बन्दीप्रत्यक्षीकरण रिट दायर गरेपछि मंगलबार (वैशाख १५) भएको सुनुवाइमा न्यायाधीश नृपध्वज निरौलाको एकल इजलासले यस्तो आदेश दिएको हो । अदालतले पक्राउ र थुनाको कारण खुलाइएको लिखित जवाफसहित गोल्छालाई उपस्थित गराउन निर्देशन दिएको छ ।
यसअघि काठमाडौं जिल्ला अदालतले गोल्छालाई थप तीन दिन हिरासतमा राखेर अनुसन्धान गर्न प्रहरीलाई अनुमति दिएको थियो । न्यायाधीश दण्डपाणि लामिछानेको इजलासले उक्त थुना म्याद स्वीकृत गरेको हो ।
गोल्छालाई सीआईबीको टोलीले वैशाख १० गते नियन्त्रणमा लिएर अनुसन्धान गरिरहेको छ ।
नेपाल धितोपत्र बोर्ड (सेबोन)ले तयार पारेको ‘दीपक भट्टले गरेको धितोपत्र कारोबारसम्बन्धी प्रारम्भिक जाँचबुझ सुपरिवेक्षण प्रतिवेदन, २०८३’ मा उनको नाम जोडिएको देखिएपछि पक्राउ गरिएको सीआईबीले जनाएको छ ।
प्रतिक्रिया