काठमाडौं । आईसीसी विश्वकप लिग–२ अन्तर्गत आज नेपाल र संयुक्त अरब इमिरेट्स ९यूएई० बीच खेल भैरहेको छ । कीर्तिपुरस्थित टियु मैदानमा जारी खेलमा नेपालले यूएईलाई जितका लागि २९० रनको लक्ष्य प्रस्तुत गरेको छ।
टस जितेर पहिले ब्याटिङ रोजेको नेपालले निर्धारित ५० ओभरमा ७ विकेट गुमाउँदै २८९ रन बनायो। नेपालको पारीमा उपकप्तान दीपेन्द्र सिंह ऐरीले शानदार सतक बनाएका छन् । उनले ९४ बलमा १०० रन बनाए ।
अन्य ब्याटरमध्ये विनोद भण्डारीले ५६ रनको योगदान दिए भने कप्तान रोहित पौडेलले ३९ रन जोडे। गुलशन झाले पनि ४४ रन बनाउँदै टोलीको स्कोर मजबुत बनाउन सहयोग गरे।
यूएईका बलरहरूतर्फ अजय कुमार र जुनैद सिद्धिकीले समान २–२ विकेट लिए भने तनवीर हैदर अलीले १ विकेट हात पारे।
यसअघिको भेटमा नेपालले यूएईलाई ३७ रनले पराजित गरेको थियो, जसले आजको खेलमा पनि नेपालको मनोबल उच्च देखिएको छ।
प्रतिक्रिया