काठमाडौं । बागमती प्रदेशका मुख्यमन्त्री इन्द्रबहादुर बानियाँको घर तथा विभिन्न कार्यालयहरूमा सम्पत्ति शुद्धीकरण अनुसन्धान विभागले छापा मारेको छ।
सोमबार विभागको टोलीले काठमाडौंको नक्साल र सुन्धारामा रहेका कार्यालयहरूका साथै हेटौंडास्थित उनको निजी घर र कार्यालयमा एकसाथ छापा मारेको हो। हेटौंडाको सानोपोखरामा रहेको बानियाँ निर्माण सेवा (बीएनएस) र निवासमा समेत टोली पुगेर आवश्यक कागजात नियन्त्रणमा लिएको बताइएको छ।
विभागले बानियाँले अवैध रूपमा आर्जन गरिएको सम्पत्ति लुकाएको आशंकामा अनुसन्धान अघि बढाउँदै छापा मारेको जनाइएको छ। छापाका क्रममा विभिन्न आर्थिक कारोबारसम्बन्धी कागजात संकलन गरिएको स्रोतको भनाइ छ।
नेपाली कांग्रेस बागमती प्रदेश सभापति समेत रहेका बानियाँ प्रदेश संसदीय दलका नेता हुँदै हाल मुख्यमन्त्रीको जिम्मेवारीमा छन्। उनी वर्षअघिसम्म निर्माण व्यवसायमा सक्रिय थिए । अहिले पनि विभिन्न व्यावसायिक कम्पनीहरूमा उनको लगानी रहेको छ ।
सम्पत्ति शुद्धीकरण अनुसन्धान विभागले यस विषयमा औपचारिक धारणा सार्वजनिक गरिसकेको छैन ।
प्रतिक्रिया