काठमाडौं । सर्वोच्च अदालतले व्यवसायी शेखर गोल्छालाई धरौटी वा जमानतमा रिहा गर्न आदेश दिएको छ।
उनकी पत्नी सीमा गोल्छाले दायर गरेको बन्दीप्रत्यक्षीकरण निवेदनमाथि सुनुवाइ गर्दै अदालतले यस्तो निर्णय गरेको हो।
न्यायाधीश महेश शर्मा पौडेल र श्रीकान्त पौडेलको इजलासले अनुसन्धानका क्रममा धरौटी वा जमानतमा छाड्न सकिने अवस्था हुँदाहुँदै थुनामा राख्ने अनुमति लिएको प्रक्रिया त्रुटिपूर्ण रहेको ठहर गर्दै उक्त प्रक्रिया नै खारेज गरेको जनाएको छ। अदालतले आवश्यक धरौटी वा जमानत सुनिश्चित नभएमा मात्र थुनामा राख्न सकिने स्पष्ट पारेको छ।
शेखर गोल्छा गत वैशाख ११ गते पक्राउ परेका थिए। नेपाल धितोपत्र बोर्डको छानबिन प्रतिवेदनका आधारमा थप अनुसन्धानका लागि नेपाल प्रहरीको केन्द्रीय अनुसन्धान ब्यूरो सीआईबीले उनलाई नियन्त्रणमा लिएको थियो।
प्रतिक्रिया