काठमाडौं । आईसीसी पुरुष क्रिकेट विश्वकप लिग-२ अन्तर्गत नेपाल, ओमान र यूएईबीच जारी त्रिकोणात्मक सिरिजको अन्तिम खेल आज हुँदैछ । अन्तिम खेलमा नेपाल र ओमान आमनेसामने हुँदैछन् ।
कीर्तिपुरस्थित त्रिवि क्रिकेट मैदानमा हुने खेल आज बिहान साढे ९ बजे सुरु हुनेछ । सिरिजको अघिल्लो खेलमा नेपाल ओमानसँग पराजित भएको थियो । त्यसैले नेपाल आज बदलासहित जित निकाल्दै सिरिज सुखद रूपमा टुंग्याउने लक्ष्यमा रहेको छ ।
यस सिरिजमा नेपालले यूएई विरुद्धका दुवै खेलमा जित हात पारेको छ । आठ राष्ट्र सहभागी लिग-२ को अंकतालिकामा नेपाल सातौँ स्थानमा छ भने ओमान तेस्रो स्थानमा रहेको छ । लिग-२ का शीर्ष चार टोली विश्वकप छनोटमा प्रवेश गर्नेछन् ।
नेपालले यो सिरिजपछि मे १२ देखि अर्को सिरिज खेल्नेछ, जसमा अमेरिका र स्कटल्यान्ड सँग प्रतिस्पर्धा गर्ने तालिका रहेको छ ।
प्रतिक्रिया