खजुरा । देश मै पहिलो पटक मुस्लिम विद्यार्थीलाई नमाज पढ्न सुबिधा दिन भन्दै शनिबार र आइतबारको सट्टा शुक्रबार र शनिबार सार्वजनिक बिदा दिने निर्णय गरेको बाँकेको खजुरा गाँउपालिका आफ्नो निर्णयबाट पछि हटेको छ । संघीय सरकारको विद्यालयहरुमा एकरुपता कायम गर्ने निर्देशन आएको भन्दै खजुरा गाँउपालिका आफ्नो निर्णयबाट पछि हटेको हो ।
संघीय सरकारले हप्तामा २ दिन शनिबार र आइतबार बिदा दिने निर्णय गरेपछि मुस्लिम बालबालिकालाई नमाज पढ्न सहज बनाउन भन्दै खजुराले शुक्रबार र शनिबार बिादा दिने निर्णय गरेको थियो ।
‘नेपाल सरकारको निर्णयानुसार मिति २०८२ चैत्र २३ गते देखि लागू हुने गरी सरकारी कार्यालय सार्वजनिक निकाय तथा शैक्षिक संस्थाहरुमा शनिवार र आइतवार विदा दिने निर्णयमा शैक्षिक संस्था पनि उल्लेख भएकोले उक्त निर्णय देशभरका सम्पूर्ण विद्यालयमा लागू गरी सार्वजनिक विदामा एकरुपता कायम गर्न निर्देशन प्राप्त भएकोले खजुरा गाउँपालिका शिक्षा समितिको मिति २०८३ जेठ ४ गतेको निर्णयानुसार शिक्षा समितिले गरेको शुक्रबार र शनिवार सार्वजनिक विदा स्थगन गर्ने र शिक्षा समितिको निर्णयानुसार अब उप्रान्त शनिवार र आइतवार सार्वजनिक विदा कार्यान्वय गर्नको लागि यो सूचना प्रकाशित गरिएको ब्यहोरा अनुरोध छ ।’ पालिकाले प्रकाशन गरेको सूचनामा उल्लेख छ ।
प्रतिक्रिया