काठमाडौं । बीपी राजमार्ग अन्तर्गत काभ्रेपलाञ्चोकको नमोबुद्ध नगरपालिका–२ बुच्चाकोटमा यात्रुवाहक बस दुर्घटना हुँदा सात जनाको मृत्यु भएको छ भने १५ जना घाइते भएका छन्।
बनेपाबाट रोशी गाउँपालिकाको खार्पाचोक हुँदै सुँगुरेतर्फ जाँदै गरेको बा३ ख ८३९८ नम्बरको बस शुक्रबार दुर्घटनामा परेको जिल्ला प्रहरी कार्यालय काभ्रेले जनाएको छ।
दुर्घटनामा परी सात जनाको घटनास्थलमै मृत्यु भएको प्रहरीले जनाएको छ। घाइते भएका १५ जनाको उद्धार गरी उपचारका लागि नजिकका अस्पतालहरूमा पठाइएको काभ्रेका प्रहरी नायब उपरीक्षक (डीएसपी) रविन विष्टले बताए ।
बस दुर्घटनाको कारण खुल्न बाँकी रहेको र घटनाबारे थप अनुसन्धान भइरहेको प्रहरीले जनाएको छ।
मृतक तथा घाइतेहरूको पहिचान खुलाउने कार्य जारी रहेको बताइएको छ।
प्रतिक्रिया