काभ्रे बस दुर्घटना अपडेट : मृत्यु हुनेको संख्या १७ पुग्यो

काठमाडौं । काभ्रपलाञ्चोक जिल्लाको बेथानचोक गाउँपालिकामा बस दुर्घटना हुँदा १७ जनाको मृत्यु भएको छ ।

बेथानचोक ४ स्थित चलाल गणेशस्थानको सल्लाफेद भन्ने स्थानमा मंगलबार साँझ ६ बजेतिर बस दुर्घटनामा परेको थियो । सो बस बेथानकोटबाट पनौती नगरपालिका–४ सल्ले फर्किदै थियो ।

दुर्घटनामा १७ यात्रुको मृत्यु भएको जिल्ला प्रहरी प्रमुख प्रहरी उपरीक्षक चक्रराज जोशीले बताएका छन् ।

दुर्घटनाका घाइते मध्ये शिर मेमोरियल अस्पताल बनेपामा पुर्याइएका १४ मध्ये ४ जनाको अवस्था गम्भीर भएपछि काठमाडौं रिफर गरिएको छ । केही घाइतेको धुलिखेल अस्पतालमा उपचार भइरहेको छ ।

बसमा ठ्याक्कै कतिजना यात्रु थिए भन्ने अझै पनि यकिन हुन सकेको छैन । । दुर्घटनास्थलमा नेपाल प्रहरी र नेपाली सेना र स्थानीय बासिन्दाले उद्धार जारी राखेका छन् ।