काठमाडौं । अटिजमजस्ता संवेदनशील विषयवस्तुलाई केन्द्रमा राखेर निर्माण गरिएको नेपाली चलचित्र ‘गौँथली’ आजदेखि देशभर प्रदर्शनमा आएको छ ।
चलचित्रमा अभिनेता अरुण क्षेत्री र अभिनेत्री सिम्रन खड्का मुख्य भूमिकामा छन् । अरुणले अटिजम भएका व्यक्तिको भूमिका निर्वाह गरेका छन् भने सिम्रनले बुहारीको चरित्रमा अभिनय गरेकी छन् ।
कपिल रिजाल निर्देशित चलचित्रमा मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, सन्जोग रसाइलीलगायत कलाकारहरूको समेत अभिनय रहेको छ ।
चलचित्रको कथा डा. भोला रिजालले लेखेका हुन् । पटकथा तथा संवाद लेखनमा निर्देशक कपिल रिजालसँगै निश्चल कुँवर, निरज नेपाल र गिरिराज घिमिरेको सहकार्य रहेको छ ।
पारिवारिक सम्बन्ध, सामाजिक चेतना र अटिजम भएका व्यक्तिको जीवनसंघर्षलाई केन्द्रमा राखेर निर्माण गरिएको ‘गौँथली’ले दर्शकमाझ सकारात्मक सन्देश प्रवाह गर्ने अपेक्षा गरिएको छ ।
प्रतिक्रिया