खजुरा । बाँकेको खजुरा स्थित अरुणोदय माध्यामिक विद्यालयले अभिभावक र स्थानीय लक्षित स्वास्थ्य शिविर र रक्दान कार्यक्रम सम्पन्न गरेको छ । आफ्नो वार्षिक क्यालेण्डर अनुसार सामाजिक उत्तरदायित्व अन्तर्गत अभिभावक र स्थानीयबासीलाई लक्षित गर्दै विद्यालयले स्वास्थ्य शिविर र रक्तदान कार्यक्रम संचालन गरेको हो ।
कार्यक्रमको लुम्बिनी प्रदेश सरकारका भौतिक पूर्वाधार मन्त्री रत्न खत्रीले रक्तदान गरेर शुभारम्भ गरेका थिए । मन्त्री खत्री सहित २६ जनाले रक्तदान गरेको सुशील कोइराला प्रखर क्यान्सर अस्पताल, ब्लड बैंकका प्रमुख होम गिरीले जानकारी दिए ।
स्वास्थ्य शिबिरबाट १ सय बढी स्थानीयबासी र अभिभावकहरुले सेवा लिएको विद्यालयका प्रधानाध्यापक ऋषिकेश जिसीले जानकारी दिए । मुटुरोग बिशेषज्ञ डा. बिपिन आचार्यले शिविरमा स्वास्थ्य परीक्षण गरेका थिए ।
प्रतिक्रिया