काठमाडौं । दीपेन्द्रसिंह ऐरीको अर्धशतकको मद्दतमा नेपालले एसीसी प्रिमियर कप क्रिकेटको सेमिफाइनलमा ओमानसामु १४८ रनको लक्ष्य प्रस्तुत गरेको छ।
मलेसियास्थित बायोमास ओभलमा टस हारेर पहिले ब्याटिङ गरेको नेपालले ४५.४ ओभरमा सबै विकेट गुमाउँदै १४७ रनको योगफल बनाएको हो।
नेपालका लागि दीपेन्द्रसिंह ऐरीले सर्वाधिक ५१ रन बनाए। उनले ७६ बलको सामना गर्दै चार चौका प्रहार गरे। बसिर अहमदले ४७ रनको योगदान दिए भने देव खनालले १३ र आसिफ शेखले ११ रन बनाए।
नेपालको इनिङ्स उकास्ने क्रममा दीपेन्द्र र बसिरले पाँचौँ विकेटका लागि महत्वपूर्ण ९३ रनको साझेदारी गरेका थिए। उनीहरूको साझेदारीले कमजोर अवस्थामा पुगेको नेपालको स्कोरलाई सम्मानजनक योगफलतर्फ अघि बढाएको थियो।
ओमानका बलरमध्ये हसनैन शाह र जय ओडेदराले तीन–तीन विकेट लिए। मोहम्मद इमरानले दुई तथा मुजिबर अली र सकिल अहमदले एक–एक विकेट हात पारे।
अब ओमानले १४८ रनको लक्ष्य पछ्याउँदै फाइनल प्रवेशका लागि प्रतिस्पर्धा गर्नेछ।
प्रतिक्रिया