काठमाडौं । नेकपा एमाले संसदीय दलको बैठक अहिले पार्टीको केन्द्रीय कार्यालय च्यासलमा बसिरहेको छ ।
बैठकमा पार्टी अध्यक्ष केपी शर्मा ओलीसहित एमालेबाट निर्वाचित सांसदहरू सहभागी छन् । बैठकमा समसामयिक राजनीतिक घटनाक्रम, हालै सम्पन्न संसद् अधिवेशन तथा आगामी राजनीतिक रणनीतिका विषयमा छलफल भइरहेको जनाइएको छ ।
बैठकमा अध्यक्ष ओलीले पार्टीबाट निर्वाचित सांसदहरूलाई समसामयिक राजनीतिक परिस्थिति र संसदीय भूमिकाका विषयमा आवश्यक निर्देशन दिने कार्यक्रम रहेको नेताहरूले बताएका छन् ।
यसैबीच, अध्यक्ष ओलीले नेपाली कांग्रेसको १५औँ महाधिवेशन उद्घाटन समारोहमा सहभागी नहुने निर्णय गरेका छन् । कांग्रेसको महाधिवेशन उद्घाटन समारोहमा अन्य राजनीतिक दलका शीर्ष नेताहरूलाई समेत आमन्त्रण गरिएको सन्दर्भमा ओलीको अनुपस्थितिलाई राजनीतिक वृत्तमा चासोका साथ हेरिएको छ ।
प्रतिक्रिया