काठमाडौं । मलेसियाका लागि प्रस्तावित नेपाली राजदूत चुडामणि खरेलको नाम पनि संसदीय सुनुवाइ समितिले अस्वीकृत गरेको छ।
बुधबार बसेको संघीय संसद्को संसदीय सुनुवाइ समितिको बैठकले खरेलको नाम अनुमोदन नगर्ने निर्णय गरेको हो।
सुनुवाइका क्रममा राष्ट्रिय स्वतन्त्र पार्टी (रास्वपा)का सांसद राजीव खत्रीलगायतले खरेलमाथि विभिन्न प्रश्न उठाएका थिए। उनीमाथि स्वार्थको द्वन्द्व, आर्थिक अनियमितता, म्यानपावर व्यवसायीसँगको साँठगाँठ तथा योग्यतासम्बन्धी विषयमा प्रश्न उठाइएको थियो।
समितिमा खरेलको पृष्ठभूमि, व्यावसायिक सम्बन्ध र राजदूत पदका लागि आवश्यक योग्यताबारे छलफल भएको थियो। त्यसपछि समितिले उनको नाम अनुमोदनका लागि अस्वीकृत गरेको हो।
समितिको निर्णयसँगै मलेसियाका लागि नेपाली राजदूत नियुक्त गर्ने प्रक्रिया खरेलका हकमा अघि बढ्न सकेन।
समितिले साउदी अरेबियाका लागि प्रस्तावित राजदूत गिरिबहादुर सुनारको नाम पनि अस्वीकृत गरेको छ ।
प्रतिक्रिया