काठमाडौं । नेककपा माओवादी केन्द्रले २१ सदस्यीय पदाधिकारी गठन गरेको छ ।
शनिबार बसेको स्थायी समिति बैठकमा अध्यक्ष पुष्पकमल दाहाल ‘प्रचण्ड’ ले पेश गरेको २१ जना पदाधिकारीको नाम सर्वसम्मत रुपमा पारित भएको हो ।
माओवादीको वरिष्ठ उपाध्यक्ष नारायणकाजी श्रेष्ठ भएका छन् भने उपाध्यक्ष कृष्णबहादुर महरा, महासचिवमा देव गुरुङ बनेका छन् । यस्तै, उपमहासचिवमा वर्षमान पुन, पम्फा भुसाल, जनार्दन शर्मा, हरिबोल गजुरेल, शक्ति बस्नेत र मातृकाप्रसाद यादव भएका छन् ।
सात जना सचिवमा दीनानाथ शर्मा, चक्रपाणी खनाल, देवेन्द्र पौडेल, लीलामणि पोख्रेल, गणेश साह, हितमान शाक्य, हितराज पाण्डे, डिलाराम आचार्य र सुरेन्द्र कार्की चयन भएका छन् । यस्तै कोषाध्यक्षमा श्रीराम ढकाल चयन भएका छन् ।
बैठकले वरिष्ठ उपाध्यक्ष श्रेष्ठको नेतृत्वमा चुनाव घोषणापत्र मस्यौदा समिति गठब गरेको प्रवक्ता महराले जानकारी दिए । सो समितिमा देव गुरुङ, गिरिराजमणि पोखरेल, वर्षमान पुन, जनार्दन शर्मा, शक्तिबहादुर बस्नेत, लीलामणि पोखरेल, गणेश साह, परशुराम रम्तेल, अमृता थापा हरि रोका, जाकिर हुसेन, परशुराम तामाङ, विष्णु चौधरी, भीमा ढुंगाना र जगत सिंखडा रहेका छन् ।
महराले सत्तारुढ दलहरुसँग साझा घोषणापत्र तयारी गर्नेबारे पनि छलफल भैरहेको बताए ।
प्रतिक्रिया