बुटवल । रुपन्देही क्षेत्र नम्बर २ को प्रतिनिधिसभा सदस्य निर्वाचनको जारी मतगणनामा नेकपा एमालेका उपाध्यक्ष तथा प्रतिनिधिसभा सदस्यका उम्मेदवार विष्णुप्रसाद पौडेलले ७ सय ३० मतान्तरले अग्रता बढाएका छन् ।
दोस्रो दिनसम्म राष्ट्रिय स्वतन्त्र पार्टीका गणेश पौडेलले अग्रता कायम राखेकामा मंगलबार सांझदेखि पौडेलले मतान्तर बढाउँदै अग्रता लिइरहेका छन ।
२५ हजार ३४ मत गणना हुँदा पौडेलले हालसम्म ८ हजार ५ सय ९४ मत ल्याएका छन् । उनलाई पछ्याउँदै राष्ट्रिय स्वतन्त्र पार्टीका गणेश पौडेलले ७ हजार ८ सय ६४ मत ल्याएका छन् ।
सत्ता गठबन्धनको समर्थन पाएका राष्ट्रिय जनमुक्ति पार्टीका केशवबहादुर थापाले ६ हजार २ सय ५ मत पाएर तेस्रो स्थानमा छन् ।
१ लाख २६ हजार ८ सय ७ मतदाता रहेको रुपन्देही-२ मा ८१ हजार मत खसेको थियो ।
प्रतिक्रिया