अर्घाखाँचीको सुपाखोलामा कार दुर्घटना, ५ जना घाइते, ३ जनाको अवस्था गम्भीर

अर्घाखाँची । अर्घाखाँचीमा कार दुर्घटना हुँदा ५ जना घाइते भएका छन् । घाइते मध्य ३ जनाकोको अवस्था गम्भीर रहेको प्रहरीले जनाएको छ । शीतगङ्गा नगरपालिका–२ सीतापुर झोलुङ्गे पुल नजिकै कार दुर्घटना हुँदा कारमा सवार पाँच जना घाइते भएका हुन् ।

तनहुँको आबुखैरेनीबाट सुपा देउराली दर्शन गरेर फर्कने क्रममा ग ३ च १५७९ नम्बरको कार झोलुङ्गे पुल नजिकै दुर्घटना भएको अर्घाखाँची प्रहरीले जनाएको छ ।

दुर्घटनामा गम्भीर घाइते भएका तीन जनालाई प्राथमिक स्वास्थ्य केन्द्र ठाडामा सामान्य उपचारपछि थप उपचारका लागि बुटवल रेफर गरिएको छ ।

कार सडकबाट करिब २५ मिटर तल सुपाखोलामा पुगेको छ ।