काठमाडौं । नेपाल प्रिमियर लिग (एनपीएल) को तेस्रो संस्करणअन्तर्गत बुधबार भइरहेको इलिमिनेटर खेलमा चितवन राइनोजले काठमाडौं गोर्खाजविरुद्ध पहिले ब्याटिङ गर्ने भएको छ ।
त्रिवि अन्तर्राष्ट्रिय क्रिकेट रंगशालामा भएको टसमा चितवनका कप्तान रवि बोपाराले टस जितेर पहिले ब्याटिङ गर्ने निर्णय गरेका हुन् । उनले काठमाडौंलाई बलिङको निम्तो दिएका छन् ।
आजको खेलमा दुवै टोली जित निकाल्दै दोस्रो क्वालिफायरमा स्थान बनाउने लक्ष्यसहित मैदान उत्रिएका छन् । पराजित हुने टोली प्रतियोगिताबाट बाहिरिनेछ भने विजेता टोलीले फाइनल प्रवेशका लागि दोस्रो क्वालिफायरमा सुदूरपश्चिम रोयल्ससँग प्रतिस्पर्धा गर्नेछ ।
लिग चरणमा तेस्रो स्थान हासिल गरेको काठमाडौंले सात खेलबाट चार जित र तीन हारसहित आठ अंक जोडेको थियो । त्यस्तै, चितवनले सात खेलबाट तीन जित र तीन हार बेहोर्दै सात अंक जोडेको थियो । वर्षाका कारण एक खेल रद्द भएपछि चितवनले अंक बाँडेको थियो । चितवन लिग चरणको अंकतालिकामा चौथो स्थानमा रहँदै इलिमिनेटरमा पुगेको हो ।
















प्रतिक्रिया