रूपैडिहा । नेपालगन्ज सीमासंगै जोडिएको भारतीय बजार रूपैडिहामा लागु औषध चरेस सहित नेपाली महिला पक्राउ परेकी छन् । भारतीय ७० लाख रूपैया बराबरको लागू औषध चरेससहित नेपालगन्जकी एक नेपाली महिलालाई भारतीय प्रहरीले पक्राउ गरेको हो ।
गयराती सवा १ बजेको समयमा घसियारन टोल नजिकैबाट भारतीय ७० लाख रूपैया बराबरको १ किलो ४७५ ग्राम चरेससहित नेपालगन्ज वडा न-२ घरवारीटोल बस्ने सुस्मिता शाही पक्राउ परेकी थाना रुपईडीहा जनपदले पुष्टि गरेको छ । जनपद बहराईचले संचालन गरेको अपराध एवं अपराधी रोकथाम अभियान अन्तर्गत सोमबार राती गस्तीमा रहेको टोलीले शाहीलाई पक्राउ गरेको हो ।
शाहीबिरुद्ध रूपैडिहा थानामा मुद्दा दर्ता गरि मंगलबार जिल्ला अदालत बहराइच पठाएईको भारतीय प्रहीले जनाएको छ ।
प्रतिक्रिया