एजेन्सी । चीनसँगको भिडन्तमा भारतका २० सैनिकको मृत्यु भएकाे छ । यस अघि मंगलबार दिउँसो भारतीय सेनाका कर्णल र दुई सैनिकको मृत्यु भएको समाचार आएको थियो ।
भारतीय सुरक्षा स्रोतलाईै उदृद गर्दै भारतीय न्युज आजतकले झडपमा २० सैनिक मारिएको उल्लेख गरेको छ ।
सोमबार राति दुई देशको सेनाको बीचमा हिंसात्मक झडप भएको थियो । गल्वान भ्याली नजिक सोमबार राती दुई देशहरु बीचको वार्ता पछि सबै कुरा सामान्य हुंदै गएको भनिएको बेला अर्को एक झडप भएको बताईएको छ ।
भारतीय समाचार संस्था ईन्डिया टुडेले पनि स्रोतहरुलाई उल्लेख गर्दै २० भारतीय सेनाको हताहती भएको खबर छापेको छ ।
बेइजिङमा चिनियाँ विदेश मन्त्रालयमा आयोजित नियमित पत्रकार सम्मेलनमा मन्त्रालयका प्रवक्ताले भारतीय सेनाले सोमबार साझ लाइन अफ एक्चुअल कन्ट्रोल पार गरेर चिनियाँ सीमाभित्र घुस्दै उत्तेजनात्मक र गैरकानुनी गतिविधि गरेको जनाएका थिए । उनले पूर्वसहमति पालना गर्न भारतलाई चेतावनी समेत दिए ।
नयाँ दिल्लीमा भारतीय विदेश मन्त्रालयले एक विज्ञप्ति जारी गर्दै भारतले एलएसीलाई सँधै सम्मान गरेको बताउंदै चीनले पनि एलएसीलाई सम्मान गर्नु पर्ने बताएको थियो ।
एलएसीमा भएको यो झडप पछि, दिल्लीमा लगातार बैठकहरू भईरहेक छन् ।
प्रतिक्रिया