काठमाडौं। नेकपा एमालेका सांसद रघुजी पन्तले संविधान विपरित मन्त्रीहरु बोल्दै हिँडेको भन्दै असन्तुष्टि जनाएका छन् ।
प्रतिनिधिसभाको आजको बैठकमा बोल्दै सांसद पन्तले मन्त्रीहरुले संविधान विपरित बोल्दै हिँडेको र प्रधानमन्त्रीले त्यसको काउन्टर गर्नुपरेको भन्दै असन्तुष्टि जनाएका हुन् ।
उनले संविधानअनुसार मन्त्रीमा शपथ लिएका मन्त्रीहरूले संविधान र व्यवस्थामाथि प्रश्न उठाउन नमिल्ने बताए।
पन्तले देशमा जबरजस्ती क्रिश्चियानिटीको घटना बढेको भन्दै रोक्न माग गरेका छन् ।
प्रतिनिधिसभाको बुधबार बसेको बैठकमा विशेष समय लिएर बोलेका पन्तले जबरजस्ती धर्म परिर्वतन गराएर देशलाई क्रिश्चियानिटी बनाउन खोजेकाले यसलाई रोक्नुपर्ने माग गरेका हुन् ।
जबरजस्ती धर्म परिवर्तन रोक्न अहिलेको कानुन पर्याप्त नभए कानुन बनाएर भए पनि रोक्नुपर्ने बताएका उनले कुनै पनि धर्म र जातका विषयमा हुने विभेद अन्त्य गर्नुपर्नेमा जोड दिए । साथै सांसद पन्तले संसद बैठकमा प्रधानमन्त्री र प्रमुख मन्त्रीहरुको उपस्थिति हुनुपर्नेमा जोड दिए ।
उनले संसदको बैठकको सुरुमा प्रधानमन्त्री र मन्त्रीहरुको उपस्थिति हुनुपर्नेमा बताएका हुन् । सांसदहरुले बैठकमा उठाएका विषयलाई सरकारले सुन्नुपर्ने उनको माग छ ।
प्रतिक्रिया