खजुरा । खजुरामा क्रियाशिल सञ्चारकर्मीहरुको संस्था खजुरा सञ्चार समुह आज बिधिवत दर्ता भएको छ । २०६० साल ताका गठन भएर बिभिन्न क्रियाकलाप गर्दै आएपनि बिबिध कारणले दर्ता हुन नसकेको सञ्चार समुह आज खजुरा गाउँपालिकामा बिधिवत दर्ता भएको हो ।
खजुरा क्षेत्रको इतिहास, ऐतिहासिक पक्ष र खजुरा क्षेत्रको आर्थिक, सामाजिक सांस्कृतिक विकासमा सञ्चार क्षेत्रबाट उजागर गर्ने उद्देश्यबाट समुह गठन गरिएको सञ्चार समुहका अध्यक्ष सन्तोष रेग्मीले बताए । उनले बाँके र पश्चिम क्षेत्रमा खजुरा क्षेत्र सीमाको सुरक्षामा बिरता प्रस्तुत गर्ने देखि बहुभाषिक र बहुसांस्कृतिक सम्पदाले भरिपूर्ण रहेरपनि त्यसको प्रचार प्रसार हुन नसकेको भन्दै सञ्चार समुह मार्फत खजुरालाई राष्ट्रिय पहिचान प्रदान गर्न प्रयत्न गरिने बताए ।
संस्था दर्ता भएसँगै खजुरा गाउँपालिकाले शसक्त सञ्चार सहयो्गी प्राप्त गरेको भन्दै खजुरा गाउँपालिकाका अध्यक्ष डम्बर बिक तुफानले खुसी ब्यक्त गरे । उनले समुहसँग सहकार्य गर्दै खजुराको पहिचान देशबिदेशमा पुर्याउन गाउँपालिकाबाट सक्दो सहयोग गर्ने प्रतिबद्धता ब्यक्त गरे ।
रेग्मी अध्यक्ष रहेको संस्थामा सतिस निरौला उपाध्यक्ष, गोबिन्द शर्मा महासचिव, सुशिल लामिछाने कोषाध्यक्ष, सुनिता पन्त सहसचिव रहेका छन् । सदस्यहरुमा तिलक गाउँले, खगेन्द्र दाहाल, सुनिल रेग्मी, कमल खत्री, गणेश राई, बिक्रम बुढाक्षेत्री लगायत रहेका छन् ।
प्रतिक्रिया