बुटवल । रुपन्देही प्रहरीले जिल्लाका बिभिन्न स्थानमा अबैधरुपमा नदी उत्खनन् गरिरेको साधनहरु नियन्त्रणमा लिएर स्थानीय सरकारलाई बुझाएको छ । जिल्लाका बिभिन्न स्थानहरुबाट अबैध नदिजन्य पदार्थ तथा अबैध रुपमा माटो उत्खनन गरिरहेको अवस्थामा सवारी साधनहरुलाई फेला पारी नियन्त्रणमा लिई आवश्यक कारवाहीको लागी सम्बन्धित स्थानिय निकायमा बुझाइएको प्रहरीले जनाएको छ ।
प्रहरीका अनुसार वडा प्रहरी कार्यालय भैरहवा रुपन्देहीबाट खटिएको प्रहरी टोलीले मायादेबी गाउँपलिका वडा न. ७ मर्चहवामा अबैध रुपमा बालुवा उत्खन्न गरी लु २ ख ४२७६ र लु २ ख ५३४२ नं.को टिप्परमा लोड गरी ओसारपसार गरीरहेको अवस्थामा नियन्त्रणमा लिई आवश्यक कारवाहीको लागि मायादेबी गाउँपलिकाको कार्यालयमा बुझाएको हो ।
त्यसैगरि इलाका प्रहरी कार्यालय बेथरी रुपन्देहीबाट खटिएको प्रहरी टोलीले पनि सोही गाउँपालिका वडा नं. ७ बनगाईमा अबैध बालुवा ओसारपसार गरीरहेको अवस्थामा रा १ ख १४९५ र प्रदेश २-०३-०१ ख ७०३६ नं.को टिप्परलाई फेलापारी नियन्त्रणमा लिई आवश्यक कारवाहीका लागि मायादेवी गाउँपालिकाको कार्यालयमा बुझाएको छ ।
प्रहरी चौकी ब्यहोरीबाट खटिएको प्रहरी टोलीले कञ्चन गाउँपालिका वडा नं. १कुचेराबाट अवैध रुपमा माटो उत्खनन् गरी ओसारपसार गरिरहेको अवस्थामा ना १ क ३७३७ नं. को जेसिभी र ना ८ ख ६६४७ नं.को टिप्पर लाई नियन्त्रणमा लिई कञ्चन गाउँपालिकाको कार्यालयमा बुझाएको प्रहरीले जनाएको छ ।
प्रतिक्रिया