काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले आफ्नो केन्द्रीय कार्यालयबाट गिरफ्तारी दिएका छन् । उनलाई पक्राउ गर्न पार्टी कार्यालय आएका प्रहरीलाई उनले आफै गिरफ्तारी दिएका हुन् । त्यस अघि उनले कार्यकर्तालाई सम्बोधन गरेका थिए ।
उनलाई आजै प्रहरीले सडक मार्ग हुँदै पोखरा लैजाँदै छ । पक्राउ पुर्जी लिएर पार्टी केन्द्रीय कार्यालय पुगेको प्रहरी टोलीसँग सभापति लामिछानेले सम्बोधनको समय मागेर सम्बोधन गरेका थिए । पार्टी कार्यालयमा उपस्थित कार्यकर्ता र सञ्चारकर्मीलाई सम्बोधन गदैसभापति लामिछानेले आफूले कुनै अपराध नगरेको र न्यायिक प्रक्रियालाई सघाउने बताए । उनले आफूलाई पक्राउ गरेको घटनालाई देशको आशा र भरोसामाथि प्रहार भएका रुपमा लिएको जिकिर गरे ।
सभापति लामिछानेलेपार्टी सदस्य र सञ्चारकर्मीलाई आफ्ना कुरा राखेपछि प्रहरीसँगैसडकमार्ग हुँदै पोखरा जाने उनले जानकारी दिए । सूर्यदर्शन सहकारीको रकम अपचलनमा संलग्न भएको आरोपमा उनीविरुद्ध अनुसन्धान गर्न कास्की जिल्ला अदालतले नेपाल प्रहरीलाई अनुमति दिएको थियो । सभापति लामिछानेलाई पक्राउ गर्न पुर्जी लिएर प्रहरी टोली पार्टी केन्द्रीय कार्यालय पुगेको हो।
सूर्यदर्शन सहकारीको संस्थापक अध्यक्ष गीतेन्द्रबावु (जीबी) राईसँग मिलेर लामिछानेले गोर्खा मिडिया नेटवर्कमा रकम ल्याएर अपचलन गरेको मुद्दा जिल्ला प्रहरी कार्यालय कास्कीले अनुसन्धान गरिरहेको छ ।
प्रतिक्रिया