दाङ । दाङको भालुवाङमा बालिका बलात्कार गरेको आरोपमा पक्राउ परेका एकजना शसस्त्र प्रहरी जवानले प्रहरी हिरासतमा आत्माहत्या गरेका छन् । सशस्त्र प्रहरीले बलत्कार आरोपमा अनुसनधान गर्न नेपाल प्रहरीलाई बुझाएको २ जवान मध्य रेवन पचभैयामगरले प्रहरीको हिरासत कक्ष मै आत्माहत्या गरेका हुन् ।
गत असोज २४ गते दाङको भालुवाङमा बालिका बलात्कार आरोप लागेका सशस्त्र प्रहरीका सहायक हवल्दार भरत रोकामगर र सशस्त्र प्रहरी जवान पचभैयालाई सशस्त्र प्रहरीले नेपाल प्रहरीलाई बुझाएको थियो । मगरले आज बिहान वडा प्रहरी कार्यालय घोराहीको हिरासत कक्षको शौचालयमा आत्महत्या गरेको दाङ प्रहरी प्रमुख प्रहरी उपरीक्षक अर्जुन तिमिल्सीनाले बताए ।
प्यूठानको बडडाँडा घर रहेका सशस्त्र प्रहरी बल ज्वालामाई गण २९ नम्बर हेटक्वाटर भालुवाङमा कार्यरत थिए । उनले प्रहरी हिरासत कक्षको शौचालयमा आफूले लगाएको गन्जी र टिसर्टको पासो लगाएर झुन्डिएर आत्माहत्या गरेको एसपी तिमिल्सीनाले बताए ।
उनले आज बिहान करिब ५ बजे झुण्डिएको अवस्थामा शब फेला परेको जिल्ला प्रहरी कार्यालय दाङले जानकारी दिएको छ । आरोपित पचभैया सहित सहायक हवल्दार रोकामगरलाई प्रहरीले पक्राउ गरी दाङ जिल्ला अदालतबाट सात दिनको म्याद थप गरेर अनुसन्धान अघि बढाएको थियो ।
पक्राउ परेकाहरुमाथि दाङ-देउखुरीको राप्ती गाउँपालिका-१, भालुवाङ पुल्चोकमा रहेको सशस्त्र प्रहरी वल ज्वालामाई गण २९ नम्बर हेटक्वाटरको कार्यालय बाहिर दशैँ पिङ खेल्न गएको बेला दुई बालिकालाई बलात्कार गरेको आरोप लागेको छ । उनीहरुले प्रहरी समक्ष बलातकारको घटना सकारेको एसपी तिमिल्सीनाले बताए ।
स्थानीयको आरोपपछि पनि पक्राउ नगरिएको भन्दै लगातार धर्ना र विरोधका कार्यक्रम गरिएपछि अन्ततः सशस्त्र प्रहरीले दुबैजनालाई पक्राउ गरी नेपाल प्रहरीलाई बुझाएको थियो ।
प्रतिक्रिया