फिदिम बजार एकहप्ता बन्द

पाँचथर । आज देखि पाँचथरको फिदिम बजार एक हप्ताको लागि बन्द हुने भएको छ ।

नगरपालिकाले अत्यावश्यकीय बाहेक एक हप्ताका लागि सबै बजार बन्द गराउने निर्णय गरेको हो । बिहीबार राति १२ बजेबाट अत्यावश्यकीय बाहेक सामग्रीका पसल बाहेक अन्य सबै पसल बन्द गर्ने निर्णय गरेको नगरपालिका प्रमुख ओनाहाङ नेम्बाङले जानकारी दिए ।

नगरपालिकामा समेत पछिल्लो समय कोरोना संक्रमितको संख्यामा बढ्न थालेको पछि नगरपालिकाले यस्तो कदम चालेको हो ।

त्यसैगरी सवारी सञ्चालनमा पनि भदौ १२ गतेदेखि आगामी भदौ १८ गतेसम्मका लागि रोक लगाइएको स्थानीय प्रशासनले जनाएको छ ।