नेपालगन्ज । बाँकेको नेपालगन्जबाट प्रहरीले ठुलो परिमाणमा लागु औषध ब्राउन सुगर सहित १ जनालाई पक्राउ गरेको छ । नेपालगन्ज-१ प्रगतिटोलबाट १०६ ग्राम बढी ब्राउन सुगरसहित एक युवकलाई प्रहरीले पक्राउ गरेको हो ।
पक्राउ पर्नेमा नेपालगन्ज उपमहानगरपालिका-१ प्रगति टोलका २९ वर्षीय चुनचुन पासी रहेका छन् । जिल्ला प्रहरी कार्यालय बाँकेका अनुसार पासीबाट १०६ ग्राम ९८० मिलिग्राम ब्राउन सुगर बरामद भएको छ ।
प्रगतिटोलमा हिंडिरहेका पासीलाई शंका लागेर चेकजाँच गर्ने क्रममा प्रहरीले उक्त परिमाणको ब्राउन सुगर फेला पारेको प्रहरीले जनाएको छ । पक्राउ परेका पासीलाई हिरासतमा लिएर लागुऔषध कसुरमा थप अनुसन्धान अगाडि बढाइएको बाँके प्रहरीले जानकारी दिएको छ ।
प्रतिक्रिया