काठमाडौं । पूर्व-पश्चिम राजमार्ग अन्तर्गत बुटवल-नारायणगढ सडकखण्ड पुन: अवरुद्ध भएको छ । अन्तर्गत पूर्वी नवलपरासीको दुम्किवासस्थित विनयी खोलामा आएको बाढीले निर्माण गरिएको अस्थायी डाइभर्सन पुनः बगाएको हो ।
हिजो दिउँसो बनाइएको डाइभर्सन गएराति परेको वर्षासँगै आएको बाढीले बगाएपछि सडक पूर्ण रूपमा ठप्प भएको हो । यस क्षेत्रको विनयी खोलामा पानी परेपछि पटक-पटक डाइभर्सन बग्ने समस्या दोहोरिँदै आएको छ ।
सडक डिभिजन कार्यालय भरतपुरका अनुसार, डाइभर्सन मर्मतका लागि इन्जिनियरसहितको टोली खटाइएको छ । पानीको वहाव क्रमशः घट्दै गएकाले दिउँसोसम्म गाडी चलाउन सकिने गरी मर्मत कार्य भइरहेको जनाइएको छ ।
प्रतिक्रिया