सिरहा । सिरहामा कारागारमा रहेका ५९ जना कैदीवन्दीलाई कोरोना संक्रमण पुष्टि भएको छ । बुधबार कोरोना पुष्टि भएका ६७ जनामध्ये ५९ जना सिरहा कारागारका कैदीबन्दी हुन् ।
उनीहरूको बुधबार पीसीआर रिपोर्ट पोजेटिभ आएको जिल्ला स्वास्थ्य कार्यालयका प्रमुख कृष्णदेव यादवले जानकारी दिएका छन् ।
यस्तै, सात जना सैनिक र एक जना मिर्चैया नगरपालिकाका स्थानीयबासिलाई पनि संक्रमण पुष्टि भएको यादवले बताए ।
पछिल्लो केही दिन यता सिरहामा कोरोना संक्रमण निकै बढेको छ । ३ दिनमा मात्रै १ सय ४२ जनामा कोरोना संक्रमण पुष्टि भैसकेको छ ।
यससँगै सिरहामा संक्रमितको संख्या ६१० पुगेको छ । जसमध्ये ३५५ जना निको भएर घर फर्किएका छन् भने १० जनाको मृत्यु भएको छ । हाल सक्रिय संक्रमितको संखया २६५ रहेको छ ।
स्वास्थ्य कार्यालयले समुदायस्तरमै कोरोना संक्रमण फैलिएको अनुमान गरेको छ । संक्रमितहरु बढ्दै गएपछि अस्पतालहरुमा आइसोलेसन बेडको अभाव देखिएको छ ।
प्रतिक्रिया