कोरोना संक्रमितको संख्या ५० हजार नाघ्यो, बिहीबार थपिए १२ सय ४६ जना

काठमाडौं । नेपालमा निरन्तर उकालो लाग्दो क्रममा रहेको कोरोना भाइरसका संक्रमितको संख्या ५० हजार नाघेको छ ।

बिहीबार १२ सय २६ जना नयाँ संक्रमित थपिएसँगै यो संख्या ५० हजार नाघेको हो ।

११ हजार १ ४४ पीसीआर परीक्षणमा १२ सय ४६ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले बताए । यससँगै कुल संक्रमितको संख्या ५० हजार ४६५ पुगेको छ ।

सक्रिय संक्रमितको संख्या बिहीबार १४ हजार ४४८ रहेको छ । जसमध्ये संस्थागत आइसोलेसनमा ८ हजार १० रहेको छ । होम आइसोलेसनमा ६ हजार ४३८ जना रहेका छन् ।

१६५ जना संक्रमित विभिन्न अस्पतालको आईसीयूमा उपचाररत रहेका छन् । यस्तै २१ जना भेन्टिलेटरमा रहेको प्रवक्ता गौतमले जानकारी दिए ।

बिहीबार देशभरबाट १८ सय १८ जना संक्रमित निको भएर घर फर्किएका छन् । हालसम्म ३७ हजार ७०० जना संक्रमित निको भैसकेका छन् । यो कुल संक्रमितको ७१ प्रतिशत हो ।

संक्रमित थपिने भन्दा संक्रमित निको हुने दर बढेको छ ।