संघीय संसदका दुई समितिको बैठक बस्दै

काठमाडौं । संघीय संसद अन्तर्गतका दुई संसदीय समितिको बैठक आज (आइतबार) बस्दैछ । राज्य व्यवस्था तथा सुशासन समिति र शिक्षा, स्वास्थ्य तथा सूचना प्रविधि समितिले छुट्टाछुट्टै समय तालिकाअनुसार बैठक आयोजना गरेका हुन् ।

राज्य व्यवस्था तथा सुशासन समितिको बैठक बिहान ११ बजे सिंहदरबारमा बस्नेछ । बैठकमा ‘नेपाल प्रहरी सम्बन्धी कानूनलाई संशोधन तथा एकीकरण गर्न बनेको विधेयक’ सम्बन्धी संशोधन प्रस्ताव दर्ता गराएका सांसदहरूसँग छलफल हुने कार्यसूची तय गरिएको छ ।

यस्तै, शिक्षा, स्वास्थ्य तथा सूचना प्रविधि समितिको बैठक दिउँसो १ बजे सिंहदरबारमै बस्नेछ । बैठकमा स्वास्थ्य तथा जनसंख्या मन्त्रालयसँग स्वास्थ्यसम्बन्धी समसामयिक विषयमा विस्तृत छलफल गर्ने कार्यक्रम रहेको समितिले जनाएको छ ।