काठमाडौं । गृहमन्त्री रमेश लेखकले पदबाट राजीनामा दिएका छन् ।
सोमबार काठमाडौ लगायत देशभर जेनजी पुस्ताको प्रदर्शनमा निर्मम दमन गर्न निर्देशन दिएका गृहमन्त्री लेखकले नैतिकताको आधार देखाउँदै राजीनामा दिएका हुन् । उनले प्रधानमन्त्री केपी शर्मा ओलीलाई मन्त्रिपरिषद् बैठकमै राजीनामा बुझाएका थिए ।
त्यसअघि गृहमन्त्री लेखकले आजै बसेको कांग्रेस पदाधिकारी तथा पूर्वपदाधिकारीको बैठकमा राजीनामा दिने बताएका थिए । कांग्रेसकै नेताहरुले राजीनामा दिन चर्को दबाब दिएपछि उनी राजीनामा दिन बाध्य भएका हुन् ।
सोमबारको प्रदर्शनमा प्रहरीको गोली लागी हालसम्म १९ जनाको मृत्यु भएको छ भने ३०० भन्दा बढी घाइते भएका छन् । घाइतेको विभिन्न अस्पतालमा उपचार भैरहेको छ ।
प्रतिक्रिया