नेपालगन्ज । बुधबार बाँकेमा २४ जनामा कोरोना संक्रमण पुष्टि भएको छ ।
पछिल्लो २४ घण्टामा बाँकेमा १३ जना महिला र ११ जना पुरुष गरी २४ जनामा कोरोना संक्रमण पुष्टि भएको हो ।
बाँकेका कोरोना फोकल पर्सन नरेश श्रेष्ठका अनुसार, भेरी अस्पतालको ल्याबमा भेरीमा १५ जना सहित आजैबाट पीसीआर परीक्षण शुरु गरेको नेपालगन्ज मेडिकल कलेजमा ६ जना र बागेश्वरी डाइग्नोष्टिक एण्ड पोलिक्लिनिक सेन्टरमा ३ जना पोजेटिभ पुष्टि भएको हो ।
योसँगै बाँके जिल्लामा कोरोना संक्रमितको कुल संख्या १५३६ पुगेको छ ।
डिस्चार्ज हुने १० ८८ छन् भने आइसोलेसनमा ४ सय ४० जनाले उपचार गराई रहेका छन् ।
आज बाँके १० जना कोरोनामुक्त भई डिस्चार्ज भएका छन् ।
कोरोनाबाट बाँकेमा अहिलेसम्म ८ जनाको ज्यान गएको छ ।
प्रतिक्रिया