काठमाडौं। राष्ट्रपति रामचन्द्र पौडेलले आह्वान गरेको सर्वदलीय बैठक राष्ट्रपति भवन शितल निवासमा सुरु भएको छ ।
बैठकमा प्रधानमन्त्री सुशीला कार्कीसहितका मन्त्रीहरु र विभिन्न राजनीतिक दलका दोस्रो तहका नेताहरु सहभागी भएका छन् । कांग्रेसबाट पूर्णबहादुर खड्का र गगन थापा, एमालेबाट ईश्वर पोखरेल र शंकर पोखरेल, माओवादी केन्द्रबाट नारायणकाजी श्रेष्ठ, वर्षमान पुन सहभागी भएका छन् ।
यसैगरी, एकीकृत समाजवादीबाट राजेन्द्र पाण्डे र घनश्याम भुसाल, राष्ट्रिय स्वतन्त्र पार्टीबाट डिपी अर्याल र विपिन कुमार आचार्य, राष्ट्रिय प्रजातन्त्र पार्टीबाट ज्ञानेन्द्र शाही र मिना लामा, सहभागी भएका छन् ।
त्यस्तै जनता समाजवादी पार्टीबाट रेनु यादव, जनमत पार्टीबाट चन्द्रकान्त राउत र डा. जयकुमार राउत, लोकतान्त्रिक समाजवादी पार्टीबाट ज्ञानेन्द्र झा र सर्वेन्द्रनाथ शुक्ला, नागरिक उन्मुक्ति पार्टीबाट रेशम चौधरी र नेपाल मजदुर किसान पार्टीबाट सुनिल प्रजापति सहभागी छन् ।
राष्ट्रपति पौडेलले प्रधानमन्त्री सुशीला कार्कीसहित राजनीतिक दलका नेताहरूसँग सर्वदलीय बैठक आह्वान गरेका थिए ।
चुनावको कार्यतालिका सार्वजनिक भइसकेको तर सरकार र राजनीतिक दलहरूबीच संवाद नभएको अवस्थामा राष्ट्रपतिले आज बैठक बोलाएका हुन् ।
यसअघि हिजो राष्ट्रपति पौडेल र प्रधानमन्त्री कार्कीबीच भेटवार्ता भएको थियो ।
प्रतिक्रिया