बुटवल उप-महानगरमा थपिए २६ नयाँ संक्रमित, वडा नम्बर ८ मा मात्र ७ जना

बुटवल । बुटवल उप-महानगरमा पछिल्लो २४ घण्टामा २६ जनामा कोरोना संक्रमण पुष्टि भएको छ । उपमहानगरको स्वास्थ्य शाखाका अनुसार सबै भन्दा बढी वडा नम्बर ८ मा ७ जनामा कोरोना संक्रमण पुष्टि भएको छ ।

त्यसैगरि वडा नम्बर ६ र ९ मा ३।३ जना, वडा नम्बर ११ र १३ मा २।२ जना तथा वार्ड नम्बर २,४,७,१२ मा १।१ जना नयाँ संक्रमित थपिएका छन् । बुटवलमा आज पनि ५ जना वडा नखुलेका ब्यक्तिहरुमा कोरोना संक्रमण पुष्टि भएको छ ।

बुटवलमा शनिबार सम्ममा ८ जना कोरोना संक्रमितको मृत्यु भईसकेको छ । बुटवलमा संक्रमितको कुल संख्या ७१२ पुगेको छ ।