रुपन्देहीमा संक्रमितको संख्या २०००, शनिबार थपिए ५८ कोरोना संक्रमित

बुटवल । रुपन्देहीमा कोरोना संक्रमितको संख्या २००० पुगेको छ । शनिबार साँझ स्वास्थ्य कार्यालय रुपन्देहीले दिएको जानकारी अनुसार जिल्लामा ५८ जना नयाँ संक्रमित थपिएर रुपन्देहीमा कुल संक्रमितको संख्या २००० पुगेको हो ।

शनिबार पनि रुपन्देहीको बुटवल उपमहानगरले सबै पालिकाहरुलाई उछिन्दै ३१ जना नयाँ संक्रमित भित्राएको छ । त्यसैगरि सिद्धार्थनगर नगरपालिकामा ११ जना, देवदह नगरपालिकामा ७ जना, सैनामैना नगरपालिकामा ३ जना, तिलोत्तमा नगरपालिका र सुद्धोदन गाँउपालिकामा २।२ जना तथा लुम्बिनी सांस्कृतिक नगरपालिका र मायादेबी गाँउपालिकामा १।१ जना संक्रमित थपिएका छन् ।

शनिबार थपिएसँगै जिल्लामा संक्रमितको कुल संख्या २००० पुगेको छ, जसमा १२२८ जना कोरोना मुक्त भएर डिस्चार्ज भएका छन् भने रुपन्देहीमा २० जनाको ज्यान गएको छ ।