पेरिसडाँडामा पार्टी सचिवालयको बैठक सुरु

काठमाडौं । पुर्व माओबादीको पार्टी कार्यालय रहेको काठमाडौंको पेरिसडाँडामा नेपाल कम्युनिष्ट पार्टी (नेकपा)को पहिलो पटक सचिवालय बैठक सुरु भएको छ । प्रधानमन्त्री केपी शर्मा ओली पनि पहिलो पटक पार्टीको बैठकमा सहभागि हुन पेरिसडाँडा पुगेका छन् ।

अध्याक्ष प्रचण्डले कार्यकारी अध्यक्ष पाएपछि राखिएको पहिलो बैठकमा बैठकमा मन्त्रिमण्डल पुनर्गठनदेखि पार्टी एकताको पूर्णतासम्मका विषयमा छलफल हुने नेकपा श्रोतले जनाएको छ । पेरिसडाँडास्थित नेकपाको अर्को केन्द्रीय कार्यालयको माथिल्लो तलामा भौतिक दूरी कायम गरेर बैठक सुरु भएको हो ।

यसअघि सचिवालयका केही बैठक धुम्बाराहीस्थित केन्द्रीय कार्यालयमा बसेपनि अन्य सबै बैठकहरु प्रधानमन्त्री निवास बालुवाटारमा बस्दै आएको थियो ।

स्थायी कमिटी बैठकको निर्णय अनुसार मन्त्रिमण्डल पुनर्गठन गर्ने, सांगठनिक एकीकरणको बाँकी काम पूरा गर्ने र संवैधानिक निकायहरुमा राजनीतिक नियुक्ति गर्ने लगायतका विषयमा बैठकमा छलफल हुने पार्टी श्रोतले उल्लेख गरेको छ ।