काठमाडौं । बिहीबार देशभर १४ सय ५७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले आयोजना गरेको नियमित पत्रकार सम्मेलनमा दिइएको जानकारी अनुसार बिहीबार ११ हजार ४४९ पीसीआर परीक्षण गरिएको छ ।
जसमध्ये १४ सय ५७ जनामा कोरोना पोजेटिभ पुष्टि भएको मन्त्रालयका प्रवक्ता प्राडा जागेश्वर गौतमले बताए । यससँगै अहिलेसम्म कुल संक्रमितको संख्या ६९ हजार ३०१ पुगेको छ ।
सक्रिय संक्रमितको संख्या १८ हजार ४३७ जना रहेका छन् । संस्थागत आइसोलेसनमा ८ हजार ६१४ जना रहेका छन् । होम आइसोलेसनमा ९ हजार ८२३ जना रहेका छन् ।
देशभर २४ घण्टामा ४५७ जना मात्र डिस्चार्ज भएका छन् । हालसम्म ५० हजार ४११ जना व्यक्ति कोरोना संक्रमणबाट मुक्त भएका छन् ।
प्रतिक्रिया