कावासोती । पूर्वी नवलपरासीको दाउन्नेमा खसेको पहिरोले अवरुद्ध भएको पूर्वपश्चिम राजमार्गको सडक एकतर्फी रुपमा खुलेको छ ।
तर, पहिरोमा परेर एउटा बस पुरिँदा एक जनाको मृत्यु भएको छ भने ७ जना घाइते भएका छन् । ना ५ ख ६९४० नं. को बस बिहीबार साँझ खसेको पहिरोमा परेर पुरिएको थियो ।
मत्यु हुनेमा रुकुम पश्चिम आठबीसकोटका हरिषचन्द केसी रहेका छन् । बिहीबार राति ९ बजे उपचारको क्रममा पुरानो मेडिकल कलेज चितवनमा केसीको मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक मोहन बहादुर खाँणले बताए ।
प्रहरीका अनुसार पहिरोमा पुरिएर सल्यानको श्रीनगर गाउँपालिका निवासी २७ बर्षीया महिला प्रतिभा खड्का, सोही स्थानका १० बर्षीय प्रज्ञान बस्नेत, १६ बर्षीया खुमा बुढाथोकी, सल्यानको सिमखर्क गाउँपलिका ७ निवासी ३५ बर्षीय लोकबहादुर बस्नेत, रुकुमको मुसिकोट गाउँपालिका १ निवासी ३० बर्षीय रमेश खड्का र बाफिकोट गाउँपालिका ४ बस्ने २७ बर्षीया शिवा पुन गम्भीर घाइते भएका छन् । उनीहरुको टाउको, ढाड, छातीमा चोट लागेको छ ।
उनीहरुमध्ये ४ जना घाइतेको भरतपुर मेडिकल कजेज र अन्यको स्थानीय अस्पतालमा उपचार भैरहेको प्रहरीले जनाएको छ । बसमा १७ जना रहेका थिए ।
दाउन्नेको विश्वकर्मा बाबा मन्दिर नजिकै सडक माथिबाट पहिरो पन्छाएपछि एकतर्फी सडक खुलेको जिल्ला ट्राफिक कार्यालय पूर्वी नवलपरासीले जनाएको छ । भने एकतर्फी खुला भएको छ । ४० घण्टासम्म अवरुद्ध रहेको सडक शुक्रबार बिहान एकतर्फी खुलेको जिल्ला ट्राफिक प्रहरी कार्यालय पूर्वी नवलपरासीले जनाएको छ।
सडक अवरुद्ध हुँदा पूर्वपश्चिम राजमार्गमा ओाहोरदोहोर गर्ने सयौं सवारी साधन र यात्रुहरु अलपत्र परेका थिए । दाउन्नेमा आधादर्जन स्थानमा पहिरो खसेको थियो ।
प्रतिक्रिया