बाँकेमा महिला मतदाताको उत्साहजनक उपस्थिती (फोटोफिचर)

खजुरा । प्रतिनिधिसभा सदस्य निर्वाचन २०८२ अन्तर्गत आज बिहानबाट सुरु भएको मतदानमा बाँकेका मतदान केन्द्रहरुमा महिला मतदाताहरुको उत्साहजनक उपस्थिती देखिएको छ । बाँके निर्वाचन क्षेत्र नम्बर ३ का मतदान केन्द्रहरुमा महिलाहरुको सहभागिता उल्लेख्य देखिएको हो ।

बाँकेको खजुरा स्थित चमकदारपुर मतदान केन्द्रमा बिहानै देखि महिला मतदाताहरुको बाक्लो उपस्थिती देखिएको छ भने पशुपति माबि घिया मतदान केन्द्रमा पनि महिला मतदाताको बाक्लो उपस्थिती देखिएको छ । मुस्लिम समुदायको बसोबास रहेको चमकदारपुर केन्द्रमा रमदानका बावजुद बुर्का लगाएर महिला मतदाताहरु मतदानमा सहभागी भए । खजुरा कै घियामा पनि महिला मतदाताहरु पुरुष मतदाताको तुलनामा धेरै लामबद्ध देखिएको थियो । थारु समुदायको बाहुल्यता रहेको सो मतदान केन्द्रमा १० जे सम्ममा ४०० मत खसेको मतदानमा खटिएका कर्मचारीले जानकारी दिए ।

ज्ञानोदय नमुना माबि मतदान केन्द्रमा पनि बिहानै देखि महिला मतदताहरु लामबद्ध हुन पुगेका थिए । बाँकेको निर्वाचन क्षेत्र नम्बर ३ मा ४८ मतदान स्थलमा १३५ मतदान केन्द्र रहेका छन् । क्षेत्र नम्बर ३ मा १ लाख १७ हजार ३५४ मतदाता रहेका छन् ।